სამხრეთის ოპერატიული სარდლობა - უკრაინელებმა ოკუპანტების გემი ჩაძირეს

მდინარე დნეპრში უკრაინის შეიარაღებული ძალების სამხედროებმა ოკუპანტების კუთვნილი სატვირთო გემი ჩაძირეს, რომელზედაც ოკუპანტების ტექნიკა იყო განთავსებული და სამხედროები იმყოფებოდნენ, - ინფორმაციას ოპერატიული სარდლობა „სამხრეთი“ ავრცელებს.

„დნეპრზე ალტერნატიული გადასასვლელის მოწყობის მცდელობა ნოვაია კახოვკასა და კაზაცკის მიდამოებში, წარუმატებელი აღმოჩნდა. ჩვენებმა იარაღით, აღჭურვილობითა და პერსონალით დატვირთული ბარჟა ჩაძირეს“, - აცხადებენ ოპერატიულ სარდლობაში.

მათივე ცნობით, გარდა ამისა, გასული დღის განმავლობაში დნეპროპეტროვსკის ოლქის კრივოი როგის რაიონში, მოწინააღმდეგე კრიტიკულ ინფრასტრუქტურაზე სარაკეტო დარტყმებს განაგრძობდა, თუმცა თავდასხმების შედეგად არავინ დაშავებულა.