ირაკლი კობახიძე -  ორი წელი გვეხვეწებოდა გოგაშვილი დასაქმებას, განაწყენდა და ახლა სისულელეებს ლაპარაკობს - ბესო ალავიძესაც იგივე პრობლემა ჰქონდა, განაწყენდა, რომ უზენაეს სასამართლოში არ დატოვეს

„ქართული ოცნების“ თავმჯდომარის ირაკლი კობახიძის სუს-ის ყოფილი უფროსი, სოსო გოგაშვილი ორი წელი ეხვეწებოდა მათ დასაქმებას, შემდეგ განაწყენდა და ახლა სისულელეებს ლაპარაკობს. როგორც კობახიძემ ჟურნალისტებს განუცხადა, აბსოლუტურად მიუღებელია ის განცხადებები, რასაც ყოფილი მაღალი თანამდებობის პირები აკეთებენ.

„ყოველდღიურ რეჟიმში გოგაშვილის განცხადებებზე კომენტარს ვერ გავაკეთებთ. საზოგადოებისთვისაც მოსაბეზრებელია ეს ყველაფერი. აბსოლუტურად კომიკურია თითოეული განცხადება, რომელიც კეთდება. კიდევ ერთხელ გავიმეორებ, არ ვაპირებ ყოველდღიურ რეჟიმში გოგაშვილის აბსურდულ განცხადებებზე კომენტარის კეთებას. ხალხი გამოდის და კრიმინალს აღიარებს, ეს ხომ საოცრებაა. სუს-ის უფროსის ყოფილი მოადგილე, უზენაესი სასამართლოს ყოფილი მოსამართლე და ა.შ. გამოდიან და თურმე მთელი ეს წლები დანაშაულს სჩადიოდნენ. აბსოლუტურად კომიკურია ეს ყველაფერი. ორი წელი გვეხვეწებოდა გოგაშვილი, მათ შორის პირადად მე დასაქმებას, განაწყენდა და ახლა სისულელეებს ლაპარაკობს. ალავიძესაც როგორც ჩანს, იგივე პრობლემა ჰქონდა, განაწყენდა, რომ უზენაესში არ დატოვეს. არ ვიცი, ეს შეიძლება ადამიანური მომენტია, მაგრამ აბსოლუტურად მიუღებელია, როდესაც ყოფილი მაღალი თანამდებობის პირები ასე უპირისპირდებიან ყველას და ყველაფერს, პირველ რიგში, სახელმწიფოს“,-განაცხადა კობახიძემ.

ცნობისთვის, სუს-ის ყოფილმა უფროსი, სოსო გოგაშვილი სოციალურ ქსელში წერს, რომ ადასტურებს ბესარიონ ალავიძის მიერ ინტერვიუში მოყვანილ ზეწოლის ფაქტს. მისი თქმით, ეს სუს-მა მიხეილ ჩინჩალაძის მოთხოვნის შემდეგ განახორციელა. სოსო გოგაშვილის განცხადებით, მას შემდეგ, რაც მიხეილ ჩინჩალაძემ ალავიძეზე არაერთი ზეწოლის შემდეგ, ვერ მიაღწია მიზანს, მიეღო მისგან თანხმობა „რუსთავი 2“-ის საქმეზე „ოცნებისთვის“ სასურველი გადაწყვეტილების შესახებ, მან საქმეში „მძიმე არტილერია“ ჩართო.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ