ამ ეფემერული რაღაცებისთვის სრულიად რეალური სასჯელი იქნება, - აღნიშნული კომენტარი გააკეთა უკრაინის უმაღლესი რადას თავმჯდომარემ, რუსლან სტეფანჩუკმა ოკუპირებულ ტერიტორიებზე რუსეთის შემადგენლობაში შესვლის “რეფერენდუმების” ჩატარების თაობაზე.

“მივმართავ მათ, ვინც ჯერ კიდევ ყოყმანობს “რეფერენდუმში”, მის ორგანიზებაში მონაწილეობაზე: ეს ყველაფერი სისხლისსამართლებრივად ისჯება. ამიტომ, 150-ჯერ აწონ-დაწონეთ, ღირს თუ არა მონაწილეობის მიღება ამ შთაგონებულ ავანტიურებში, რომელსაც ახორციელებს საოკუპაციო ხელისუფლება უკრაინის დროებით ოკუპირებულ ტერიტორიებზე”, - განაცხადა სტეფანჩუკმა.

ამასთანავე რადას თავმჯდომარემ აღნიშნა, რომ უკრიანაში რეფერენდუმები მხოლოდ სრულიად უკრაინული რეფერენდუმის შესახებ კანონით გათვალისწინებული პროცედურის შესაბამისად ტარდება.

“ნებისმიერი სხვა გზა უკანონო და არალეგიტიმურია. ეს არის საშუალებები ხელში უნებართვოდ ჩაიგდო ძალაუფლება, რომელიც უკრაინელ ხალხს ეკუთვნის. ამ “რეფერენდუმის” ნებისმიერ შედეგს არ აღიარებს არც უკრაინა და არც მთელი ცივილიზებული სამყარო. ეს არის მხოლოდ ერთგვარი შიდა “მონდომებები”, “მეგობრების შეკრება”, მაგრამ ეს არ არის რეფერენდუმი”, - აღნიშნა სტეფანჩუკმა.