ნებისმიერმა სახელმწიფომ, რომელიც შიმშილის პროვოცირებას ახდენს, რომელიც ცდილობს საკვებზე წვდომა პრივილეგიად აქციოს, რომელიც ცდილობს ერების შიმშილისაგან დაცვა ბედის გაღიმებაზე ან რომელიმე დიქტატორის წყალობაზე დამოკიდებული გახადოს - ყველაზე მკაცრი რეაქცია უნდა მიიღოს მსოფლიოსგან, - ამის შესახებ უკრაინის პრეზიდენტმა, ვოლოდიმირ ზელენსკიმ გლობალური სასურსათო უსაფრთხოების სამიტზე სიტყვით გამოსვლისას განაცხადა.
მისი თქმით, სახელმწიფომ შიმშილის პროვოცირებისთვის ისეთივე რეაქცია უნდა მიიღოს, როგორიც მასობრივი განადგურების იარაღის გამოყენების გამო.
“რეაქცია ისეთივე უნდა იყოს, როგორიც მასობრივი განადგურების იარაღის, ქიმიური, ბიოლოგიური ან ბირთვული იარაღის, გამოყენებასთან დაკავშირებით, რადგან შიმშილის გავრცელება არის მასობრივი განადგურების იგივე ამორალური და არაადამიანური იარაღი, როგორც მომაკვდინებელი ბაქტერიების ან რადიაციის გავრცელება”, - აღნიშნა ზელენსკიმ.
მისი თქმით, რუსეთს სურს, შიმშილისგან დაცვა არა უფლებად, არამედ პრივილეგიად აქციოს და სურს, საკვები არა განუყოფელ უფლებად, არამედ ისეთ რამედ აქციოს, რის მისაღებადაც თხოვნაა საჭირო.