საფრანგეთის პრეზიდენტი, ემანუელ მაკრონი და გაერთიანებული სამეფოს პრემიერ-მინისტრი, ლიზ ტრასი ნიუ-იორკში გაერო-ს გენერალური ასამბლეის ფარგლებში შეხვედრისას შეთანხმდნენ, რომ შეინარჩუნონ კონტაქტები უკრაინის მხარდაჭერის გასაძლიერებლად.

მედიის ინფორმაციით, ლიდერებმა უკრაინაში, კერძოდ, ზაპოროჟიეს ატომური ელექტროსადგურის გარშემო არსებულ სიტუაციაზე იმსჯელეს.

„ისინი შეთანხმდნენ, რომ შეინარჩუნონ კონტაქტები უკრაინის მხარდაჭერის გასაძლიერებლად სამხედრო, ჰუმანიტარულ და ეკონომიკურ დონეზე, ასევე საუკეთესოდ უპასუხონ კიევის საჭიროებებს“, - აცხადებენ ელისეის სასახლეში.

მათივე ინფორმაციით, მაკრონმა და ტრასმა გლობალურ ენერგეტიკულ უსაფრთხოებაზე რუსული აგრესიის გავლენა განიხილეს და ორივე ლიდერმა საფრანგეთისა და გაერთიანებული სამეფოს მხრიდან

კოორდინირებული და ერთიანი მიდგომის სურვილი გამოთქვა.