ემანუელ მაკრონი - დღეს უნდა გავაკეთოთ მარტივი არჩევანი - ომი ან მშვიდობა - ისინი, ვინც ახლა დუმან, ცდებიან და თანამონაწილე არიან ახალი იმპერიალიზმის შექმნის პროცესის

რაც უფრო დიდხანს გაგრძელდება ეს ომი, მით უფრო მეტად დაემუქრება ის ევროპასა და მსოფლიოს. ამან შეიძლება გამოიწვიოს უფრო დიდი კონფლიქტი, სადაც უსაფრთხოება და სუვერენიტეტი დამოკიდებულია არა ალიანსების, არამედ შეიარაღებული ჯგუფების სიძლიერესა და სხვების დამორჩილებაზე, - ამის შესახებ საფრანგეთის პრეზიდენტმა, ემანუელ მაკრონმა გაერო-ს გენერალური ასამბლეის ყოველწლიურ, მაღალი დონის დებატებზე სიტყვით გამოსვლისას განაცხადა.

„დღეს ჩვენ უნდა გავაკეთოთ მარტივი არჩევანი - ომი, ან მშვიდობა. რასაც ჩვენ ვხედავთ იმპერიალიზმის ხანის დაბრუნებაა“, - აღნიშნა საფრანგეთის პრეზიდენტმა.

მისი თქმით, ომი ძირს უთხრის გაერო-ს პრინციპებს, ერთადერთ შესაძლო მსოფლიო წესრიგს და მშვიდობას. ამის გათვალისწინებით, მაკრონმა განაცხადა, რომ ის ჩართული იყო და გააგრძელებს დიალოგს მოსკოვთან, „რადგან მხოლოდ ერთობლივი მუშაობით შეგვიძლია ვიპოვოთ მშვიდობა“.

მაკრონმა გააკრიტიკა იმ ქვეყნების პოზიცია, რომლებმაც განაცხადეს, რომ ნეიტრალურობას ინარჩუნებენ.

„ისინი ცდებიან. ისინი ისტორიულ შეცდომას უშვებენ. ისინი, ვინც დღეს დუმან, ერთგვარად, თანამონაწილენი არიან ახალი იმპერიალიზმის პროცესის, რომელიც არღვევს არსებულ წესრიგს“, - აღნიშნა საფრანგეთის პრეზიდენტმა.

მისი თქმით, ეს არ არის არჩევანის გაკეთება აღმოსავლეთსა და დასავლეთს შორის, ან ჩრდილოეთსა და სამხრეთს შორის, რადგან ომის შემდეგ არსებობს მსოფლიოს გაყოფის რისკი. საფრანგეთის პრეზიდენტმა მოუწოდა გენერალური ასამბლეის წევრებსა და უშიშროების საბჭოს, რომ მხარი დაუჭირონ „ყველაზე ძვირფას საერთო სიკეთეს - მშვიდობას“.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას