იაპონიამ გამოაცხადა, რომ 11 ოქტომბრიდან, უცხოელი ტურისტებისთვის კორონავირუსის გამო დაწესებულ მკაცრ შეზღუდვებს აუქმებს და ორწელიწადნახევრის წინ დახურულ საზღვრებს ხსნის.

”11 ოქტომბრიდან იაპონია შეამსუბუქებს საზღვრის კონტროლის ზომებს, გაათანაბრებს მას აშშ-ის ზომებთან, ასევე განაახლებს უვიზო მიმოსვლას და ინდივიდუალურ მოგზაურობას”, - განაცხადა იაპონიის პრემიერ-მინისტრმა, ფუმიო კიშიდამ.

იაპონიამ შეზღუდვები 2020 წლის მარტში დააწესა. აღსანიშნავია, რომ 2019 წელს იაპონიას უცხოელი ვიზიტორების რეკორდული რაოდენობა 31.9 მილიონი ვიზიტორი ეწვია.