ანა მალიარი - მობილიზაციას რუსეთში ძალიან დაბალი მხარდაჭერა აქვს, ეს მათი პირველი მცდელობა არ არის - რუსეთის პროფესიონალური არმია კიევთანაა დაკრძალული
უკრაინის თავდაცვის მინისტრის მოადგილის ანა მალიარის ინფორმაციით, რუსეთში მობილიზაციის უკვე რამდენიმე მცდელობა იყო და ყველა ჩავარდა.
„მობილიზაციას რუსეთში ძალიან დაბალი მხარდაჭერა აქვს, ეს საიდუმლო არაა. ეს მათი პირველი მცდელობა არ არის, უბრალოდ პირველად საჯაროდ განაცხადეს მობილიზაციის შესახებ,” - აღნიშნა მალიარმა.
მისი განცხადებით, „რუსეთის პროფესიონალური არმია კიევთან არის დაკრძალული”.
„რეფერენდუმებთან“ დაკავშირებით მალიარმა აღნიშნა, რომ კოლაბორანტები ასევე დამნაშავეები არიან და კანონის წინაშე აგებენ პასუხს.
„დაზვერვის მთავარი სამმართველო ფლობს კოლაბორანტების შესახებ მონაცემებს, უკვე მოიპოვეს შესაბამისი სიები,” - თქვა მალიარმა.
