იზიუმში მასობრივ საფლავში აღმოჩენილი ცხედრების ექსჰუმაცია დასრულდა. 447 ცხედრიდან, უმეტესობა ქალია, არიან ბავშვებიც. ინფორმაციას ამის შესახებ უკრაინის ეროვნული პოლიციის უფროსი იგორ კლიმენკო და ხარკოვის საოლქო-სამხედრო ადმინისტრაციის ხელმძღვანელი ოლეგ სინეგუბოვი ავრცელებენ.

„სამუშაოები ერთი კვირა გრძელდებოდა უწყვეტად. საფლავებიდან გარდაცვლილთა 447 ცხედარი ამოასვენეს. აქედან 215 ქალი, 194 მამაკაცი, 5 ბავშვი. დაღუპულთა შორის 22 სამხედრო მოსამსახურეა. გარდა ამისა, ნაპოვნია 11 ადამიანი ნეშტი, რომელთა სქესის დადგენა ჯერჯერობით შეუძლებელია”, - წერს კლიმენკო.

სინეგუბოვის ინფორმაციით, ცხედართა უმრავლესობას აღენიშნება ძალადობრივი სიკვდილის ნიშნები, ხოლო 30-ს - წამების ნიშნები.

„აქ არის ცხედრები კისერზე თოკებით, შეკრული ხელებით, მოტეხილი კიდურებითა და ცეცხლსასროლი იარაღით მიყენებული ჭრილობებით. რამდენიმე მამაკაცს ამპუტირებული აქვს სასქესო ორგანო”, - წერს სინეგუბოვი.