რუსეთის საკონსტიტუციო სასამართლომ დღეს უკრაინის ოთხი ტერიტორიის ანექსია კანონიერად ცნო. ინფორმაციას “ფრანს-პრესი“ ავრცელებს.

რუსეთის პრეზიდენტმა ვლადიმერ პუტინმა პარასკევს კრემლში გრანდიოზული ცერემონია მოაწყო, სადაც ყალბი რეფერენდუმების შემდეგ, დონეცკის, ხერსონის, ლუგანსკისა და ზაპოროჟიეს ანექსიის შესახებ განაცხადა.

დუმის თავმჯდომარის ვიაჩესლავ ვოლოდინის განცხადებით, ანექსიის ხელშეკრულებებს რუსეთის პარლამენტის ქვედა პალატა, სახელმწიფო სათათბირო ორშაბათს განიხილავს.