უკრაინელი სამხედროების წინსვლა საუკეთესო პასუხია ყველანაირ “რეფერენდუმებზე”, “განკარგულებებზე”, “შეთანხმებებსა” და პათეტიკურ საუბრებზე. ამის შესახებ უკრაინის თავდაცვის მინისტრი ოლექსი რეზნიკოვი Twitter-ის პირად გვერდზე წერს.

“სანამ “რუსეთის პარლამენტი” თვრება ანექსიის ამაო მცდელობებით, ჩვენი ჯარისკაცები წინ მიიწევენ”, - წერს რეზნიკოვი.

მან ასევე გამოაქვეყნა რუკა, რომელიც უკრაინის შეიარაღებული ძალების ყოველდღიურ პროგრესს ასახავს ოკუპირებული ტერიტორიების გათავისუფლებაში.