გაერო-ში უკრაინის ელჩმა, სერჰი კისლიციამ გენერალური ასამბლეის საგანგებო სხდომაზე სიტყვით გამოსვლისას რუსეთი დაგმო და ტერორისტული სახელმწიფო უწოდა.
„სახლებში მძინარე მშვიდობიან მოსახლეობაზე სარაკეტო თავდასხმით რუსეთმა კიდევ ერთხელ დაამტკიცა, რომ ის არის ტერორისტული სახელმწიფო, რომლის შეკავებაც უმკაცრესი გზებით უნდა მოხდეს“, - აღნიშნა ელჩმა.
შეგახსენებთ, გაერო-ს გენერალურმა ასამბლეამ კენჭი უნდა უყაროს რეზოლუციის პროექტს, რომელიც უკრაინის რეგიონებში ჩატარებულ უკანონო ე.წ. „რეფერენდუმებს" და ამ რეგიონების რუსეთის მხრიდან ანექსიას გმობს.