უკრაინის ორ ოლქში აფეთქების ხმები ისმის, გააქტიურებულია საჰაერო თავდაცვის სისტემა

უკრაინის ხმელნიცკისა და ოდესის ოლქებში აფეთქების ხმები ისმის, საჰაერო თავდაცვის სისტემა გააქტიურდა, - ამის შესახებ ხმელნიცკის საოლქო-სამხედრო ადმინისტრაციის ხელმძღვანელი, სერგეი გამალი და ოდესის საოლქო-სამხედრო ადმინისტრაციის ხელმძღვანელი, მაქსიმ მარჩენკო იუწყებიან.

„აფეთქებების ხმები ისმის. თავს გაუფრთხილდით! დარჩით თავშესაფარში!“, - განაცხადა სერგეი გამალიმ.

მოქალაქეებს თავშესაფრებში დარჩენისკენ მოუწოდა ოდესის საოლქო-სამხედრო ადმინისტრაციის ხელმძღვანელმაც.

„მტერი აგრძელებს ჩვენს და მეზობელ ოლქებზე დარტყმის მცდელობებს. ღამით საჰაერო თავდაცვის ძალებმა ჩამოაგდეს 3 „კამიკაძე“ დრონი, საჰაერო თავდაცვა ახლაც გააქტიურებულია, დარჩით თავშესაფრებში“, - განაცხადა მაქსიმ მარჩენკომ.