ოლექსი დანილოვი - უკრაინელი მებრძოლები ირანული დრონების 85-90%-ს ანადგურებენ

უკრაინის შეიარაღებული ძალები რუსების მიერ გაშვებული ირანული წარმოების ე.წ. „კამიკაძე-დრონების“, Shahed-136-ის, 85-90%-ს ანადგურებენ, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა.

„შაჰიდების“ რაოდენობა, რომელსაც ჩვენი სამხედროები, საჰაერო თავდაცვის ძალები და ამ პროცესში ჩართულ სხვა დანაყოფები აგდებენ, უკვე 85-90%-ს აღწევს. ისინი ბევრ დრონს უშვებენ“, - აღნიშნა დანილოვმა.

მისი თქმით, უკრაინა „კამიკაძე“ დრონების წინააღმდეგ ბრძოლას სწავლობს. „მაგრამ ეს არ ნიშნავს იმას, რომ ჩვენმა მოსახლეობამ საჰაერო თავდასხმის საფრთხესთან დაკავშირებულ შეტყობინებაზე რეაგირება არ უნდა მოახდინოს. აუცილებელია თავშესაფრებში თავის შეფარება, აუცილებელია გადაწყვეტილებების მიღება ადამიანების გადაადგილების შესახებ იმ ადგილებში, სადაც მათთვის აბსოლუტურად უსაფრთხოა. ეს საკითხი ყველასთვის „მამაო ჩვენოსავით“ უნდა იყოს“, – განაცხადა დანილოვმა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა