უკრაინის პროკურატურის ინფორმაციით, ომის დაწყების შემდეგ 423 ბავშვი დაიღუპა
უკრაინის გენერალური პროკურატურის განცხადებით, ქვეყანაში ომის დაწყების შემდეგ მოკლულ ბავშვთა რიცხვი 423-ს შეადგენს. უწყების თქმით, კიდევ 810 ბავშვი დაშავდა კონფლიქტის შედეგად.
როგორც უკრაინის გენერალურ პროკურატურაში განმარტავენ, ყველაზე მეტი ბავშვი დონეცკის, დედაქალაქ კიევსა და ახლომდებარე რეგიონებში დაიღუპა.
გარდა ამისა, საგამოძიებო უწყება აღნიშნავს, რომ რიცხვები საბოლოო არაა, რადგან მუშაობა მიმდინარეობს დაღუპულთა და დაშავებულთა მონაცემების შესაგროვებლად ოკუპირებულ ადგილებში, ისევე როგორც, იმ ტერიტორიებზე, სადაც საბრძოლო მოქმედებები მიმდინარეობს.
