ვაკე-საბურთალოს პოლიციაში ვაკის პარკში მომხდარი ტრაგედიის საქმეზე კომპანია ,,ელემსის” ხელმძღვანელი პირები გამოიკითხნენ

ვაკე-საბურთალოს პოლიციის მთავარ სამმართველოში ვაკის პარკში მომხდარი ტრაგედიის საქმეზე კომპანია ,,ელემსის” ხელმძღვანელი პირების გამოკითხვა დასრულდა.

მათი ადვოკატი ზაზა ნაჭყებიას ინფორმაციით, მათი მხრიდან გამომძიებლების მიერ დასმულ შეკითხვებს ამომწურავი და დაწვრილებითი პასუხი გაეცა, გარდა ამისა სრული პასუხიმსგებლობით შეუძლია განაცხადოს, რომ „ელემსის“ მიერ წარმოდგენილი დოკუმენტაცია ყველაზე მაღალ სტანდარტებს პასუხობს.

მისივე თქმით, მნიშვნელოვანია გაირკვეს, ხომ არ მომხდარა მათი კომპანიის მიერ წარდგენილ დოკუმენტაციაში ცვლილების შეტანა და პროექტის კორექტირება, რაზეც მერიას მათთვის არც ერთხელ მიუმართავს.

„ჩემმა დაცვის ქვეშ მყოფებმა გამომძიებლებს მიაწოდეს ელექტრონული ვერსია სრული საპროექტო დოკუმენტაციის, რომლის ირგვლივაც ძალიან ბევრი შეკითხვა გაჩნდა. ბუნებრივია, პოლიციის თანამშრომლები, გამომძიებლები არ არიან პროფესიონალები, რომ ელექტროობაში, ან წყალმომარაგებაში იყვნენ გარკვეულები, შესაბამისად ამან მნიშვნელოვანი დრო წაიღო. ჩვენი მხრიდან მიცემული იყო ამომწურავი, დაწვრილებითი ინფორმაცია. სრული პასუხიმსგებლობით შემიძლია განვაცხადო, რომ „ელემსის“ მიერ წარმოდგენილი დოკუმენტაცია პასუხობს ყველაზე მაღალ სტანდარტებს. უსაფრთხოების კუთხით, პროექტში ჩადებული იყო უმაღლესი, N68 ევროპული სტანდარტი, რომლის ზევითაც უსაფრთხოების სტანდარტი არ არსებობს, რამდენად არის ეს ასახული შესრულებულ სამუშაოებში, ამაზე პასუხს ვერ გაგცემთ. მნიშვნელოვანია გაირკვეს ხომ არ მომხდარა ჩვენი კომპანიის მიერ წარდგენილ დოკუმენტაციაში ცვლილების შეტანა, პროექტის კორექტირება. მერიას შეეძლო მოემართა ჩვენთვის, რომ აღმოჩენილი იყო ხარვეზი, ან სამშენებლო კომპანიამ პროექტის გადაწყვეტის ალტერნატიული გზა შესთავაზა, მაგრამ რაიმე სახის კორექტირებასთან დაკავშირებით მერიას ჩვენთვის არც ერთ ეტაპზე არ მოუმართავს“, - აღნიშნა ზაზა ნაჭყებიამ.

ცნობისთვის, კომპანია ,,ელემსიმ” ვაკის პარკის შადრევნის პროექტი მოამზადა, რომელიც შემდეგ ,,გრინსერვის პლიუსმა” განახორციელა.

მიმდინარე წლის 13 ოქტომბერს, ვაკის პარკში, შადრევანში სამი ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი ბავშვის, 13 წლის გოგონას, მარიტა მეფარიშვილის მდგომარეობა თავიდანვე მძიმე იყო და ის ხეჩინაშვილის კლინიკაში გარდაიცვალა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 15.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე