გაერთიანებული სამეფოს საგარეო საქმეთა მინისტრი, ჯეიმს კლევერლი აცხადებს, რომ უკრაინის წინააღმდეგ რუსული ძალების მიერ ბოლო დროს განხორციელებული თავდასხმები ვლადიმერ პუტინის სასოწარკვეთილი ქმედებებია.
„პუტინმა ვერ დაიპყრო უკრაინული ქალაქები ტანკებით, ახლა ის მხდალივით დრონებით თავდასხმას ცდილობს. ეს არის იმ კაცის სასოწარკვეთილი ქმედებები, რომელიც ბრძოლის ველზე ომს აგებს. სწორედ ამიტომ გავგზავნეთ საჰაერო თავდაცვის რაკეტები“, - წერს ჯეიმს კლევერლი „ტვიტერში“.
მისი თქმით, პუტინი ვერ გატეხს უკრაინელებს და ვერც მისი პარტნიორების გადაწყვეტილებას, მხარი დაუჭირონ უკრაინელებს.