CNN - ირანმა ყირიმში სამხედრო ინსტრუქტორები გაგზავნა, რათა რუსებს ირანული დრონების გამოყენება ასწავლონ

ირანმა რუსეთის მიერ ოკუპირებული ყირიმის ტერიტორიაზე სამხედრო პერსონალი გაგზავნა, რათა რუს სამხედროებს ირანში წარმოებული დრონების გამოყენება შეასწავლონ, - ინფორმაციას CNN-ი ინფორმირებულ წყაროზე დაყრდნობით ავრცელებს.

ტელეკომპანიის ცნობით, ჯერჯერობით უცნობია, ზუსტად რამდენი ინსტრუქტორი გაემგზავრა ყირიმში, თუმცა, საუბარია „ათობით“ ირანელ სამხედროზე.

აშშ-ის ოფიციალური პირების განცხადებით, როდესაც აგვისტოში რუსეთმა უკრაინაში ირანული დრონების გამოცდა და განლაგება დაიწყო, ბევრი დრონი გაუმართავი აღმოჩნდა. რუსი სამხედროები სისტემების გამოყენებასთან დაკავშირებულ წვრთნებს ირანში გადიოდნენ, თუმცა, ბოლო კვირებში, ირანელმა სამხედრო ინსტრუქტორებმა ყირიმში ჩასვლა დაიწყეს.

შეგახსენებთ, რუსეთმა, ბოლო დროს, უკრაინის ქალაქებსა და ენერგეტიკულ ინფრასტრუქტურაზე დრონების გამოყენებით თავდასხმები გააძლიერა. თეირანი უარყოფს, რომ რუსეთს დრონებს უკრაინაში გამოსაყენებლად აწვდის.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა