უკრაინის გენშტაბი - დამპყრობლები აგრძელებენ უკრაინის კულტურული მემკვიდრეობის განადგურებას დროებით ოკუპირებულ ტერიტორიებზე, ძარცვავენ მუზეუმებს და წვავენ სახელმძღვანელოებს

დროებით დაკავებულ ტერიტორიებზე, რუსი დამპყრობლები უკრაინის კულტურული მემკვიდრეობის განადგურებას აგრძელებენ. ამის შესახებ უკრაინის გენერალური შტაბი ავრცელებს ინფორმაციას.

„დამპყრობლები აგრძელებენ უკრაინის კულტურული მემკვიდრეობის განადგურებას დროებით ოკუპირებულ ტერიტორიებზე, ძარცვავენ მუზეუმებს და წვავენ უკრაინულ ენაზე დაბეჭდილ ლიტერატურას და სახელმძღვანელოებს“, - აღნიშნულია გენშტაბის განცხადებაში.

უკრაინული მედიის ცნობით, 2022 წლის სექტემბრის ბოლოს, კულტურისა და საინფორმაციო პოლიტიკის სამინისტრომ რუსეთის მიერ უკრაინის კულტურული მემკვიდრეობის წინააღმდეგ ჩადენილი ომის დანაშაულის 500-ზე მეტი შემთხვევის დოკუმენტირება მოახდინა.

უკრაინის კულტურის მინისტრის ალექსანდრე ტკაჩენკოს განცხადებით, მის ქვეყანაში რუსეთის სრულმასშტაბიანი შეჭრა სამოქალაქო ობიექტების, მათ შორის კულტურული დაწესებულებების, ეკლესიების, მეჩეთების, თეატრების, მუზეუმებისა და კულტურული მემკვიდრეობის ძეგლების სერიოზულ განადგურებას იწვევს.

როგორც ადგილობრივი მედია წერს, უკრაინაში იუნესკოს მსოფლიო მემკვიდრეობის ძეგლებიც კი განადგურების საფრთხის ქვეშაა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა