თეთრი სახლი - თეირანი ახლა უშუალოდ არის ჩართული ყირიმში ჩასვლით და იარაღის მიწოდებით, რომელიც  კლავს მშვიდობიან მოსახლეობას და ანადგურებს სამოქალაქო ინფრასტრუქტურას უკრაინაში

თეთრი სახლი აცხადებს, რომ ირანელი სამხედროები ყირიმში ჩავიდნენ, რათა რუსების მიერ დრონების უკრაინის სამოქალაქო ინფრასტრუქტურაზე თავდასხმისთვის გამოყენებისთვის ხელი შეეწყოთ.

ეროვნული უშიშროების საბჭოს სტრატეგიული კომუნიკაციების კოორდინატორის, ჯონ კირბის მტკიცებით , ირანის სამხედრო პერსონალის ვიზიტი კონფლიქტში თეირანის უშუალო ჩართულობის მტკიცებულებაა.

„ჩვენ შეგვიძლია დავადასტუროთ, რომ ყირიმში ბაზირებული რუსი სამხედრო პერსონალი ირანულ უპილოტო საფრენ აპარატებს უკრაინის მასშტაბით, მათ შორის კიევის წინააღმდეგ, თავდასხმებისთვის იყენებს. ირანელი სამხედრო პერსონალი ყირიმში ადგილზე იმყოფებოდა და მათ ამ ოპერაციების განხორციელებაში ეხმარებოდა“, - აღნიშნა კირბიმ.

შეერთებული შტატები აცხადებდა, რომ რუსეთი ირანიდან უპილოტო დრონებს იღებდა, მაგრამ მანამდე არ უთქვამს, რომ ირანელი სამხედროები ადგილზე იმყოფებოდნენ.

„თეირანი ახლა უშუალოდ არის ჩართული ადგილზე და იარაღის მიწოდებით, რომელიც კლავს მშვიდობიან მოსახლეობას და ანადგურებს სამოქალაქო ინფრასტრუქტურას უკრაინაში. მათ შეუძლიათ მსოფლიოს მოატყუონ, მაგრამ, რა თქმა უნდა, არ შეუძლიათ ფაქტების დამალვა“, - აღნიშნა კირბიმ.

მისი თქმით, შეერთებული შტატები ახლა შეშფოთებულია იმის გამო, რომ რუსეთი ირანისგან მოიძიებს დამატებით იარაღს, მათ შორის ხმელეთი-ხმელეთი ტიპის რაკეტებს.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა