აშშ-ის მთავრობას უკვე გადაეცა NASAMS-ის საჰაერო თავდაცვის სისტემები, რომლებიც განკუთვნილია უკრაინისთვის, - ამის შესახებ უკრაინული მედია Defense News -ზე დაყრდნობით ავრცელებს.

მათივე ინფორმაციით, მწარმოებელი კომპანია Raytheon Technologies-ის აღმასრულებელმა, დირექტორმა გრეგ ჰეისმა განაცხადა, რომ ორი სისტემა აშშ-ს მთავრობას რამდენიმე კვირის წინ გადაეცა.

„ისინი უკრაინაში მალე განთავსდება“, - აღნიშნა გრეგ ჰეისმა.

მისი თქმით, NASAMS-ს შეუძლია ჩამოაგდოს ყველაფერი, მათ შორის დრონები, ბალისტიკური რაკეტები და მოიერიშე თვითმფრინავები.