ირაკლი ქადაგიშვილი - რადგან ივანიშვილის დასანქცირება რომან გოცირიძეს და „ნაცმოძრაობას“ უნდა, ეს რამეს ნიშნავს? თუ კონკრეტიკა, ფაქტი, სამართლებრივი დასაბუთება არ იქნება, ეს იქნება ჩვენი ქვეყნის აბუჩად აგდება

მთავარი არგუმენტი უნდა იყოს არა სიტყვების ბრახა-ბრუხი, არამედ ფაქტები - თუ კონკრეტიკა, ფაქტი, სამართლებრივი დასაბუთება არ იქნება, ეს იქნება ჩვენი ქვეყნის აბუჩად აგდება,- ასე ეხმიანება საპროცედურო საკითხთა კომიტეტის თავმჯდომარე ირაკლი ქადაგიშვილი ოპოზიციის განცხადებებს, რომ მოლდაველი ოლიგარქებისთვის აშშ-ის მიერ სანქციების დაწესების შემდეგ, შესაძლოა, სანქციები დაუწესდეს ბიძინა ივანიშვილსაც.

ირაკლი ქადაგიშვილის თქმით, ნეგატიური მოვლენები "ნაციონალური მოძრაობის" პოლიტიკის "ჟანგბადია".

"ივანიშვილი რამით არის ღირსი დასანქცირების? რადგან მისი დასანქცირება რომან გოცირიძეს და "ნაციონალურ მოძრაობას" უნდა, ეს რამეს ნიშნავს? მათ ნებისმიერი ქართველის დასანქცირება გაუხარდებათ, ვინც არ უნდა იყოს, რაც უფრო ცუდი რამ მოხდება საქართველოსთვის, ეს არის მათი პოლიტიკის ერთადერთი ჟანგბადი, სხვა რესურსი ქართულ პოლიტიკაში მათ არ გააჩნიათ. მთავარი არგუმენტი რა უნდა იყოს იცით? - არა სიტყვების ბრახა-ბრუხი, ვისგანაც არ უნდა მოდიოდეს, არამედ ფაქტები, სამართლებრივი შეფასებები და არა ის, რომ ასე აწყობთ. თუ კონკრეტიკა, ფაქტი, სამართლებრივი დასაბუთება არ იქნება, ეს იქნება ჩვენი ქვეყნის აბუჩად აგდება", - განაცხადა ქადაგიშვილმა.

ირაკლი ქადაგიშვილი უკრაინის მიერ ივანიშვილის გარემოცვის დასანქცირებასაც გამოეხმაურა და აღნიშნა, რომ "საქართველო არ არის ის ქვეყანა, რომელზეც ყველამ ხელი უნდა შეიწმინდოს".

"ეს არის იმ არამეგობრული ნაბიჯების გაგრძელება, რასაც უკრაინის ხელისუფლება სამწუხაროდ, ყოველგვარი დასაბუთების, ფაქტის, ყოველგვარი ლოგიკის გარეშე ახორციელებს საქართველოს წინააღმდეგ,"- განაცხადა ქადაგიშვილმა.

ცნობისთვის, აშშ-მა რუსეთთან დაკავშირებულ მოლდოველ ოლიგარქებს, ვლადიმირ პლახოტნიუკსა და ილან შორს სანქციები დაუწესა. ამის შესახებ სპეციალურ ბრიფინგზე აშშ-ის სახელმწიფო დეპარტამენტის პრესსპიკერის მოადგილემ, ვედანტ პატელმა განაცხადა. მისი თქმით, ოლიგარქებს სანქციები მოლდოვაში გამართულ არჩევნებში ჩარევისა და კორუფციულ გარიგებებში მონაწილეობის გამო დაუწესდათ.

მოლდოველი ოლიგარქებისა და რუსეთის გავლენის სუბიექტებისთვის აშშ- ის მიერ სანქციების დაწესებას "ნაციონალური მოძრაობის" დეპუტატი რომან გოცირიძე გამოეხმაურა. „მატარებელი დაიძრა - ვისაც კი რაიმე კავშირი ჰქონია რუსეთთან, ფული უშოვია რუსეთში, ვინც არაფორმალურად ერევა პოლიტიკურ პროცესებში, ყველა მოექცევა სანქციის ქვეშ, მათ შორის, ქართველი ოლიგარქი“,- განაცხადა გოცირიძემ. მისი თქმით, ივანიშვილი დროულად უნდა ჩამოსცილდეს არაფორმალურ მართვას და დეოლიგარქიზაციის კანონი ამ მხრივ, მისთვის კარგი საშუალებაა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე