პუტინის გამოსვლაში საერთოდ არაფერი ახალი არ ყოფილა, - ამის შესახებ თეთრი სახლის პრესმდივანმა კარინ ჟან-პიერმა ჟურნალისტებს უთხრა.

“ძალიან მარტივად ვიტყვი პუტინის გამოსვლაზე: მასში საერთოდ არაფერი ახალი არ ყოფილა, ის არ მიუთითებს, რომ პუტინის სტრატეგიული მიზნები შეიცვალა. მას არ სურს, რომ უკრაინამ როგორც დამოუკიდებელმა სახელმწიფო-ერმა იარსებოს, და ეს თვალსაჩინოა როგორც მინიმუმ იქიდან, რომ მან არაპროვოცირებული ომი დაიწყო უკრაინაში”, - დასძინა ჟან-პიერმა.

მან ასევე აღნიშნა, რომ აშშ-ის მიდგომა “უცვლელი რჩება: მსოფლიოს სხვა ქვეყნებთან ერთად უკრაინის მხარდაჭერის გაგრძელება, სანამ რუსეთი არ შეწყვეტს ამ სასტიკ ომს”.