საცეცხლე უპირატესობის, ჯარისკაცების რაოდენობის ზრდის და შესაბამისად, თავდასხმების მიუხედავად, მოწინააღმდეგე წარმატებას ვერ აღწევს, - ამის შესახებ უკრაინის შეიარაღებული ძალების მთავარსარდალი, ვალერი ზალუჟნი „ტელეგრამზე“ წერს.

მისი თქმით, უკრაინის თავდაცვის ძალების ძალისხმევა მიმართულია ისეთ მთავარ ამოცანებზე, როგორიცაა ოკუპირებული ტერიტორიების გათავისუფლება, მტრის მიერ ახალი ტერიტორიების ხელში ჩაგდების აღკვეთა და კრიტიკული ინფრასტრუქტურის საჰაერო თავდაცვის უზრუნველყოფა.

„მიუხედავად საცეცხლე უპირატესობის, ჯარისკაცების რაოდენობის გაზრდის და შესაბამისად, თავდასხმების, მტერი წარმატებას ვერ აღწევს. უკრაინელი ჯარისკაცებისა და ოფიცრების გამბედაობისა და პროფესიონალიზმის წყალობით, ჩვენი საზღვრები უცვლელი რჩება. თავდაცვითი ოპერაცია წარმატებით, გეგმის შესაბამისად მიმდინარეობს“, - აცხადებს ზალუჟნი.