რუსეთის საოკუპაციო ძალების ინფორმაციით, ქალაქ ხერსონიდან მშვიდობიანი მოსახლეობის „ევაკუაცია“ დასრულდა. აღსანიშნავია, რომ უკრაინის აღმოსავლეთსა და სამხრეთში მნიშვნელოვანი გამარჯვებების მიღწევის შემდეგ უკრაინული ძალები ქალაქს უახლოვდებიან.

ხერსონში, ომის დაწყებამდე, დაახლოებით 288 000 ადამიანი ცხოვრობდა. რუსეთის მიერ მხარდაჭერილი ჩინოვნიკის, ვლადიმერ სალდოს განცხადებით, ხერსონი, ერთი კვირის განმავლობაში, 70 000-მა ადამიანმა დატოვა.

კიევი ამ ოპერაციას საბჭოთა პერიოდის გადასახლებას ადარებს.