სერგო ჩიხლაძე - სამი ოპოზიციური პარტიის ერთ პარტიად გაერთიანება არ იგეგმება - ერთიან სიაზე არავინ საუბრობს, არ ვიცი, რატომ გავრცელდა ეს დამახინჯებული ინფორმაცია

„სტრატეგია აღმაშენებლის“ წევრის სერგო ჩიხლაძის განცხადებით, სამი ოპოზიციური პარტიის ერთ პარტიად გაერთიანება არ იგეგმება და საუბარია მხოლოდ „ქართულ ოცნებასთან“ ბრძოლის ერთიან სტრატეგიაზე.

როგორც ჩიხლაძემ „სტრატეგია აღმაშენებლის“, „გირჩი - მეტი თავისუფლებისთვის“ და „დროას“ შესაძლო გაერთიანებაზე საუბრისას ჟურნალისტებს განუცხადა, პარტიები საკუთარ იდენტობას ინარჩუნებენ და ერთიანი სიის შექმნა არ იგეგმება.

„ერთიან სიაზე არავინ საუბრობს, არ ვიცი რატომ არის ეს ინფორმაცია დამახინჯებული. საუბარი არ არის ერთ პარტიად გარდაქმნაზე - ყველა ინარჩუნებს თავის იდენტობას. საუბარია პროსუსულ „ქართულ ოცნებასთან“ ბრძოლის ერთიან სტრატეგიაზე და ტაქტიკაზე, რესურსების მობილიზებაზე, ქმედების კოორდინაციაზე, პარტიის გაუქმებას არავინ აპირებს. იგულისხმება ბრძოლის საერთო ფორმატი და არავითარ შემთხვევაში ერთი სიის, ერთი კანდიდატის ან ერთიანი პოლიტიკური ორგანიზმის შექმნა არ იგეგმება. არ ვიცი, ვინ ავრცელებს ამ ინფორმაციას“,- განაცხადა სერგო ჩიხლაძემ.

მან ასევე უპასუხა პარტიიდან თეონა აქუბარდიას წასვლის შესახებ კითხვას და განაცხადა, რომ ეს მოულოდნელი არ ყოფილა.

„დიახ, იყო აზრთა განსხვავებები, განსაკუთრებით ბოლო ნახევარი წლის განმავლობაში, ამიტომ ეს მოულოდნელი არ ყოფილა. ასევე ვადასტურებ, რომ ის იყო და არის მათ შორის ხელისუფლებასთან უფრო მჭიდრო თანამშრომლობის მომხრე. ჩვენი პოზიცია ამ მხრივ განსხვავებული და უფრო პრინციპულია“,- განაცხადა ჩიხლაძემ.

შეგახსენებთ, რომ ერთ-ერთ მედიასაშუალებაში გავრცელდა ინფორმაცია, რომ სამი პარტია - სტრატეგია აღმაშენებელი“, „გირჩი - მეტი თავისუფლებისთვის“ და „დროა“ შესაძლო გაერთიანდეს, რასაც სამივე პარტიის ლიდერები უარყოფენ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე