აშშ ვერ ხედავს იმის ნიშნებს, რომ რუსეთი ბირთვული იარაღის გამოყენებას გეგმავს. ამის შესახებ აშშ-ის ეროვნული უსაფრთხოების საბჭოს სპიკერმა ჯონ კირბიმ განაცხადა.

“ჩვენ თავიდანვე ნათელი გავხადეთ, რომ ბირთვული იარაღის პოტენციური გამოყენების შესახებ რუსეთის კომენტარები ღრმა შეშფოთებას იწვევს და ჩვენ ამას სერიოზულად აღვიქვამთ… ჩვენ ამას განსაკუთრებულად ვადევნებთ თვალს და ვერ ვხედავთ იმის ვერანაირ ნიშნებს, რომ რუსეთი ასეთი გამოყენებისთვის ემზადებოდეს”, - თქვა კირბიმ.

კირბიმ ასევე აღნიშნა, რომ მას რამე კონკრეტული კომენტარები არ გააჩნია New York Times-ის მიერ გავრცელებულ ინფორმაციაზე, თითქოს რუსეთის სამხედრო ხელმძღვანელობაში ბირთვული იარაღის გამოყენების საკითხი განიხილება.