ანრი ოხანაშვილი - მამალაძის მსჯავრდებასთან, ბრალეულობასთან დაკავშირებით კითხვის ნიშნები არ დასმულა - სტრასბურგის სასამართლომ დარღვევა რამდენიმე პროცედურულ საკითხზე დაადგინა

მამალაძის მსჯავრდებასთან, ბრალეულობასთან დაკავშირებით კითხვის ნიშნები არ დასმულა - სტრასბურგის სასამართლომ დარღვევა რამდენიმე პროცედურულ საკითხზე დაადგინა ,- ამის შესახებ ჟურნალისტებთან იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, რითაც დეკანოზ გიორგი მამალაძის საქმეზე სტრასბურგის სასამართლოს გადაწყვეტილებას გამოეხმაურა.

მისი თქმით, სტრასბურგის სასამართლომ გაიზიარა საქართველოს იუსტიციის სამინისტროს პოზიცია და დაადგინა, რომ მსჯავრდებულ მამალაძეს სრულად ჰქონდა უზრუნველყოფილი სამართლიანი სასამართლოს უფლება.

"მთლიანობაში ამ პირის მსჯავრდებასთან, ბრალდეულობასთან დაკავშირებით კითხვის ნიშნები არ დასმულა. სადაც სტრასბურგის სასამართლომ კითხვის ნიშნები დასვა, ეს შეეხება პროცედურულ საკითხებს. რამდენიმე პროცედურულ საკითხზე დადგინდა დარღვევა, მამალაძის ბრალეულობასთან, მსჯავრდებასთან, სამართლიანი სასამართლოს უფლებასთან დაკავშირებით სტრასბურგის სასამართლომ გაიზიარა საქართველოს სახელით გამოტანილი გადაწყვეტილებების შინაარსობრივი მხარე", - განაცხადა ოხანაშვილმა.

ცნობისათვის, სტრასბურგის სასამართლომ დაადგინა, რომ დეკანოზ გიორგი მამალაძესთან მიმართებით უდანაშაულობის პრეზუმფცია დაიღვა. სტრასბურგის სასამართლომ დაადგინა, რომ დეკანოზ გიორგი მამალაძესთან მიმართებაში, პროცესის დახურულ რეჟიმში ჩატარება დარღვევა იყო - სასამართლომ სახელმწიფოს 9 418 ლარის გადახდა დააკისრა. ამასთან, სტრასბურგის სასამართლო მიიიჩნევს, რომ საქმეში სამართალწარმოება მთლიანობაში, არ ეწინააღმდეგებოდა სამართლიანი სასამართლოს მოთხოვნებს, შესაბამისად, ამ კუთხით კონვენციის მე-6 მუხლის 1-ელი პუნქტის დარღვევა არ მომხდარა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა