ოკუპანტებმა ხერსონში სადღეღამისო „კომენდანტის საათი“ გამოაცხადეს. ინფორმაციას ამის შესახებ რუსული გამოცემა “რია ნოვოსტი” ადგილობრივ საოკუპაციო ე.წ. “ხელისუფლების” წარმომადგენელზე, კირილ სტრემოუსოვზე დაყრდნობით ავრცელებს.

ცნობისთვის, წინა დღეს სტრემოუსოვმა გამოაცხადა, რომ უახლოეს ერთ-ორ კვირაში საბრძოლო მოქმედებები ამ მიმართულებით შეიძლება გააქტიურდეს.

ასევე, დღეს უკრაინის თავდაცვის მინისტრმა ოლექსი რეზნიკოვმა გამოაცხადა, რომ არ გამორიცხავს ოკუპანტებმა ხერსონი დატოვონ და დნეპრის სანაპიროზე გადავიდნენ.