უკრაინამ 19 მესაზღვრე რუსების ტყვეობიდან გაათავისუფლა
კიდევ 19 უკრაინელი შინ დაბრუნდა - მესაზღვრეები რუსების ტყვეობიდან გაათავისუფლეს, - ინფორმაციას უკრაინული მედია საზღვრის დაცვის სახელმწიფო სამსახურზე დაყრდნობით ავრცელებს. მათივე ცნობით, უკრაინელები უკვე მშობლიურ მიწაზე იმყოფებიან. მათ მისცეს ტელეფონები და შეძლეს ახლობლებთან გასაუბრება.
"რუსების ტყვეობის გრძელი თვეები დასრულდა. 19 მესაზღვრე დაბრუნდა სახლში. მათ სამედიცინო შემოწმებას და რეაბილიტაციას ჩაუტარებენ. მთავარია, რომ ცოცხლები არიან და სახლში არიან", - აცხადებენ უწყებაში.
