ხერსონის ოლქიდან რუსეთის უკანდახევა ოპტიმიზმის მიზეზს იძლევა, მაგრამ ნაადრევი დასკვნები არ უნდა გამოვიტანოთ. ამის შესახებ უკრაინის თავდაცვის მინისტრის მრჩეველმა იური საკმა BBC-სთან ინტერვიუში განაცხადა.

მისი თქმით, რუსეთის ჯარების დნეპრის მეორე მხარეს უკანდახევის “ზეიმი ნაადრევია”.

“ყოველ ჯერზე, როდესაც რუსები ე.წ. კეთილი ნების ჟესტს აკეთებენ და საკუთარ ძალებს “გადააჯგუფებენ”, ეს ხდება უკრაინის ძალიან ეფექტიანი შეიარაღებული ძალების გამო”, - განაცხადა საკმა.

უკრაინის თავდაცვის მინისტრის მრჩევლის თქმით, უკრაინა “არ შეეცდება მტრის აზრების წაკითხვას” და სამომავლო სამხედრო ოპერაციების ორგანიზებისთვის სადაზვერვო ინფორმაციას დაეყრდნობა.