ვოლოდიმირ ზელენსკი - სამხრეთით 41 დასახლებული პუნქტი გავათავისუფლეთ - ჩვენი თავდაცვის ძალების ყოველი ნაბიჯი უკრაინელების თავისუფლებისთვის გაღებულ სიცოცხლეს წარმოადგენს
უკრაინულმა ძალებმა სამხრეთით 41 დასახლებული პუნქტი გაათავისუფლეს, - ამის შესახებ პრეზიდენტმა ვოლოდიმირ ზელენსკიმ განაცხადა.
"კარგი ამბავი გვაქვს სამხრეთიდან. უკრაინის დროშების რიცხვი, რომლებიც უბრუნდებიან თავიანთ კუთვნილ ადგილს მიმდინარე თავდაცვითი ოპერაციის ფარგლებში უკვე ათობით არის. 41 დასახლებული პუნქტი გათავისუფლდა. მადლობა ყველა ჩვენს გმირს, ვინც უზრუნველყოფს ამ წინსვლას“,- აღნიშნა ზელენსკიმ.
მან უკრაინელ სამხედროებს თავდადებისთვის მადლობა გადაუხადა.
„მიუხედავად იმისა, რომ გახარებულები ვართ, უნდა გვახსოვდეს ახლა და სამუდამოდ, რას ნიშნავს ეს წინსვლა - ჩვენი თავდაცვის ძალების ყოველი ნაბიჯი წარმოადგენს უკრაინელების თავისუფლებისთვის გაღებულ სიცოცხლეს”, - აღნიშნა ზელენსკიმ.
მისი თქმით, უკრაინელებმა უნდა გაიარონ მთელი გზა "ბრძოლის ველზე და დიპლომატიაში", რათა უკრაინის დროშები ქვეყნის მთელ ტერიტორიაზე დაბრუნდეს.
„ბოლომდე უნდა გავიაროთ გზა ბრძოლის ველსა და დიპლომატიაში იმისათვის, რომ ჩვენი დროშები, უკრაინის დროშები აღიმართოს მთელ ჩვენს მიწაზე და აღარასოდეს მტრის სამფერი დროშები“, - აღნიშნა ზელენსკიმ.
