სამხრეთ კორეა შეერთებულ შტატებს საარტილერიო ჭურვებს უკრაინაში გასაგზავნად პირველად მიყიდის.

The Wall Street Journal-ის ცნობით, ასეთი მიწოდება ვაშინგტონსა და სეულს შორის "საიდუმლო გარიგების" ნაწილი იქნება.

გამოცემის ცნობით, შეერთებული შტატები უკრაინაში გასაგზავნად 100 000-მდე საარტილერიო ჭურვის შეძენას გეგმავს.

ვაშინგტონის გათვლებით, ჭურვების ეს რაოდენობა უკრაინას ინტენსიური ბრძოლებისთვის რამდენიმე კვირის განმავლობაში ეყოფა. შეთანხმების გაფორმების დრო უცნობია.