რუსულმა ძალებმა გასული დღე-ღამის განმავლობაში უკრაინის ტერიტორიაზე 4 სარაკეტო და 13 საჰაერო დარტყმა განახორციელეს, - ამის შესახებ უკრაინის შეიარაღებული ძალების გენერალური შტაბი იუწყება.
მათივე ცნობით, მტერმა ზალპური ცეცხლის რეაქტიული სისტემებიც გამოიყენა.
„ბოლო 24 საათის განმავლობაში მტერმა განახორციელა 4 სარაკეტო და 13 საჰაერო დარტყმა და დაახლოებით 60 დაბომბვა მრავალჯერადი სარაკეტო სისტემიდან“, - აღნიშნულია ინფორმაციაში.
გენშტაბის ცნობით, უკრაინელმა ჯარისკაცებმა მოწინააღმდეგის თავდასხმები შვიდი დასახლების ტერიტორიაზე მოიგერიეს.
„გასული დღის განმავლობაში უკრაინის თავდაცვის ძალების ნაწილებმა მოიგერიეს ოკუპანტების თავდასხმები ლუგანსკის ოლქის ბელოგოროვკას, ნოვოსელივსკეს, სტელმახოვსკის დასახლებებში და დონბასში, ბელოგოროვკას, კურდიუმოვკას, ვოდიანესა და მარინკას დასახლებებში. მტერი არ წყვეტს ჩვენი ქვედანაყოფების, დასახლებების და პოზიციების დაბომბვას და ახორციელებს საჰაერო დაზვერვას. აგრძელებს დარტყმებს კრიტიკულ ინფრასტრუქტურასა და სამოქალაქო დასახლებების შენობებზე საერთაშორისო ჰუმანიტარული სამართლის და ომის კანონებისა და წეს-ჩვეულებების დარღვევით“, - აცხადებენ უწყებაში.