გია ხუხაშვილი - ხელისუფლება აპელირებს კეზერაშვილის ფულით და ამით აკომპლექსებს პარტიებს, ეს ის ხელისუფლებაა, რომელიც თავის დროზე კეზერაშვილს მშვენივრად გაურიგდა -„ჭუჭყიანი ფულის“ მეტი რა აქვს ამ ხელისუფლებას სალაროში

პოლიტიკოსობა და ჰალსტუხით პარლამენტში ჯდომა დავით კეზერაშვილს არაფერში სჭირდება. მას უნდა, რომ ქვეყანაში დაბრუნების საშუალება ჰქონდეს, მასზე დევნები შეწყდეს, საკუთარი თავის „გათეთრება“ უნდა - ამაში იხდის ფულს, - ამის შესახებ ექსპერტმა გია ხუხაშვილმა „პალიტრანიუსის“ გადაცემა „360 გრადუსში“ განაცხადა, „ნაციონალურ მოძრაობაში“ მიმდინარე პროცესებზე საუბრისას.

ამასთან, მისი თქმით, გავრცელებული ინფორმაცია, რომ ე.წ. ქოლ-ცენტრების უკან დავით კეზერაშვილი დგას, სიმართლეს არ შეესაბამება, რადგან "ქოლ-ცენტრი" ვერ იმუშავებს, თუ ხელისუფლებაში მას არ აქვს ე.წ. კრიშა.

"შეიძლება დავით კეზერაშვილს, რაღაც გეგმები აქვს, მაგრამ არ მგონია პარტიის კონტროლს ცდილობდეს ფულით. კეზერაშვილის ინტერესი არის ხელისუფლების სისტემურად შეცვლა და ამაში, რაღაც ტიპის მონაწილეობა, ამ შემთხვევაში ფულით, ფიზიკურად კი ვერ მონაწილეობს. ხელისუფლება აპელირებს კეზერაშვილის ფულით და ამით აკომპლექსებს პარტიებს. ეს ის ხელისუფლებაა, რომელიც თავის დროზე კეზერაშვილს მშვენივრად გაურიგდა. „ჭუჭყიანი ფულის“ მეტი რა აქვს ამ ხელისუფლებას სალაროში“,- განაცხადა ხუხაშვილმა.

მისი თქმით, მას აქვს ეჭვი, რომ კეზერაშვილი და ხელისუფლება გარიგებულები იყვნენ, მაგრამ „შემდეგ რაღაც აირია“.

„ყველა სასამართლო პროცესზე კეზერაშვილმა გაიმარჯვა. რაზეც ედავებოდნენ აღმოჩნდა, რომ კეზერაშვილი ანგელოზი ყოფილა. პოლიტიკური დირექტივა მისცა პოლიტიკურმა ხელმძღვანელობამ სასამართლოს, რომ საჭიროა დღეს კეზერაშვილის „გათეთრება“. ფაქტია, რომ რაღაც გარიგება შედგა კეზერაშვილსა და ხელისუფლებას შორის. აშკარად ჩანდა, რომ ხელისუფლება და კეზერაშვილი გარიგდნენ. დაიწყო მისი „გათეთრება“ სასამართლოს მეშვეობით. შემდეგ რაღაც აირია, ოღონდ არ ვიცი რა.

დღეს დიდი ხმაურია, რომ კეზერაშვილს "ქოლ-ცენტრები" აქვს. სრული პასუხისმგებლობით გეუბნებით, რომ "ქოლ-ცენტრი" ვერ იმუშავებს, თუ ხელისუფლებაში მას არ აქვს ე.წ კრიშა. პოლიტიკოსობა და ჰალსტუხით პარლამენტში ჯდომა კეზერაშვილს არაფერში სჭირდება. მას უნდა, რომ ქვეყანაში დაბრუნების საშუალება ჰქონდეს, მასზე დევნები შეწყდეს, საკუთარი თავის „გათეთრება“ უნდა - ამაში იხდის ფულს“,- განაცხადა ხუხაშვილმა.

მან ასევე ისაუბრა „ნაციონალური მოძრაობის“ თავმჯდომარე, ნიკა მელიაზე და აღნიშნა, რომ მას ჰქონდა მცდელობები ნორმალური პოლიტიკური პროცესის წარმათვის.

„მელია მე მომწონს. მეჩვენება, რომ მას შეუძლია რაციონალური აზროვნება. მას აქვს უნარი ითანამშრომლოს დანარჩენ ოპოზიცასთან. მას არ აქვს იდეაფიქსი, რომ „ნაციონალური მოძრაობაა“ ერთადერთი და განუმეორებელი და ყველა მის ორბიტაზე უნდა ტრიალებდეს. მომწონს მისი მიდგომები", - განაცხადა ხუხაშვილმა და აღნიშნა, რომ "„ნაციონალური მოძრაობა“ თუ დაიშალა, ეს სახელმწიფოს წაადგება“.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება