ჯოზეფ ბორელის განცხადებით, ევროკავშირის ქვეყნებმა უკრაინას მინიმუმ 8 მილიარდი ევროს ღირებულების იარაღი და სამხედრო აღჭურვილობა გაუგზავნეს
ევროკავშირმა და მისმა წევრმა ქვეყნებმა უკრაინას მინიმუმ 8 მილიარდი ევროს ღირებულების იარაღი და სამხედრო აღჭურვილობა გაუგზავნეს. ამის შესახებ ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჯოზეფ ბორელმა განაცხადა.
ბრიუსელში, ევროკავშირის პირველმა დიპლომატმა ჟურნალისტებს განუცხადა, რომ ეს თანხა შეადგენს აშშ-ის მიერ ოფიციალური კიევისთვის მიწოდებული იარაღისა და სამხედრო აღჭურვილობის დაახლოებით 45%-ს.
ამასთან, ბორელმა დასძინა, რომ ევროკავშირი გააგრძელებს რუსეთის საერთაშორისო იზოლაციას, ისევე როგორც, შემზღუდავი ზომების დაწესებას რუსეთის ეკონომიკის წინააღმდეგ.
