უკრაინის ოპერატიული სარდლობა “სამხრეთი“ აცხადებს, რომ ქვეყნის სარაკეტო და საარტილერიო დანაყოფებმა გასული ღამის განმავლობაში 50 საცეცხლე მისია შეასრულეს.

მათივე ცნობით, ავიადარტყმების სამიზნეები უკრაინის ოკუპირებულ ტერიტორიებზე განთავსებული რუსული სამხედრო ბაზები და მასალების საცავები იყო.

ამასთან, ოპერატიული სარდლობის ინფორმაციით, დნეპრის მარცხენა ნაპირზე ოკუპანტები ჯარების გადაჯგუფებასა და ტერიტორიის დანაღმვას ცდილობენ.