თეა ახვლედიანი ტოლერანტობის საერთაშორისო დღესთან დაკავშირებით განცხადებას ავრცელებს

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი ტოლერანტობის საერთაშორისო დღესთან დაკავშირებით მილოცვის წერილს ავრცელებს და აღნიშნავს, რომ საქართველო, როგორც ევროპული ქვეყანა პატივს სცემს და იზიარებს ერთიან ევროპულ ფასეულობებს, სადაც ადამიანის საყოველთაოდ აღიარებული უფლებების და თავისუფლებების დაცვა გარანტირებულია კონსტიტუციით.

„გილოცავთ ტოლერანტობის საერთაშორისო დღეს, რომელსაც საქართველო ყოველწლიურად, მსოფლიო საზოგადოებასთან ერთად აღნიშნავს იმის დასტურად, რომ ადამიანი, მისი ღირსება და უფლებები კაცობრიობისთვის უმთავრესი ფასეულობაა!

გაეროს გადაწყვეტილებით ეს დღე 1996 წლიდან, 16 ნოემბერს აღინიშნება და ხაზს უსვამს მსოფლიოს მდიდარი და მრავალფეროვანი კულტურების მიმართ პატივისცემასა და დაფასებას, სხვადასხვა ეთნოსების მშვიდობიანი, სოლიდარული და ჰარმონიული თანაცხოვრების მნიშვნელობას, რაც ჩვენი გაზიარებული ღირებულებები და ცხოვრების განუყოფელი ნაწილია.

საქართველო კულტურული მრავალფეროვნების ერთ-ერთი საუკეთესო მაგალითს წარმოადგენს, რომელიც გამორჩეულია ეთნიკური წარმომავლობით, კულტურით, მრწამსით და ტრადიციებით განსხვავებული სხვადასხვა ეთნოსის წარმომადგენელთა ჰარმონიული თანაცხოვრების ისტორიული გამოცდილებით, ურთიერთპატივისცემითა და შემწყნარებლობით.

სწორედ ამ ფუნდამენტური ღირებულებების საფუძველზე იქცა საქართველო ჩვენი მრავალეთნიკური მოსახლეობის სამშობლოდ, რომელიც, ამავდროულად, უზრუნველყოფს მათი კულტურული იდენტობის შენარჩუნებას.

საქართველო, როგორც ევროპული ქვეყანა პატივს სცემს და იზიარებს ერთიან ევროპულ ფასეულობებს, სადაც ადამიანის საყოველთაოდ აღიარებული უფლებების და თავისუფლებების დაცვა გარანტირებულია კონსტიტუციით. საქართველოს შესაბამისი კანონმდებლობით, დამკვიდრებული საერთაშორისო სტანდარტებით და დანერგილი მექანიზმებით უზრუნველყოფილია თანასწორობა და ეთნიკური უმცირესობების უფლებების დაცვა.

სწორედ ამ ღირებულებებს და ჩვენს უნიკალურ ისტორიულ გამოცდილებას ეფუძნება სამოქალაქო თანასწორობისა და ინტეგრაციის სახელმწიფო პოლიტიკა, რომელიც ქვეყანაში ეთნოსთაშორისი ურთიერთობების გაძლიერებას, განვითარების და ჩართულობის თანაბარი შესაძლებლობების უზრუნველყოფას და თანასწორობის პრინციპის განმტკიცებას ისახავს მიზნად.

ტოლერანტობის საერთაშორისო დღე კიდევ ერთხელ შეგვახსენებს, რომ თანასწორობისა და ტოლერანტობის პრინციპებზე დაფუძნებული საზოგადოება დემოკრატიული სიმტკიცის და სტაბილური განვითარების მყარი საფუძველია. შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, წელს, ამ დღეს ახალგაზრდებზე ორიენტირებული მრავალფეროვანი პროგრამითა და აქტივობებით აღნიშნავს. სწორედ მათი პრინციპული პოზიციითა და უფრო აქტიური ჩართულობით, ერთიანი ძალისხმევით შევძლებთ ადამიანის უფლებებისა და თანასწორობის მაღალ სტანდარტებზე დაფუძნებული ტოლერანტული გარემოს შემდგომ განმტკიცებასა და გაძლიერებას.

შერიგებისა და სამოქალაქო თანასწორობის სახელმწიფო მინისტრის აპარატის სახელით, ტოლერანტობის საერთაშორისო დღეს ვულოცავთ თანასწორობისა და ტოლერანტობის ყველა ქომაგს, სრულიად საქართველოს! გისურვებთ მშვიდობას, სიკეთესა და წარმატებულ მომავალს“- ნათქვამია მილოცვაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება