უკრაინის უმაღლესი რადა G20-ს მოუწოდებს რუსეთი გარიცხოს. ინფორმაციას ამის შესახებ უკრაინის ეროვნული დეპუტატი იაროსლავ ჟელეზნიაკი “ტელეგრამის” პირად გვერდზე ავრცელებს.

მისი ინფორმაციით, ოთხშაბათს გამართულ პლენარულ სხდომაზე აღნიშნული N8203 დადგენილების პროექტის მიღებას მხარი დაუჭირა 310-მა ეროვნულმა დეპუტატმა.

აღნიშნული გადაწყვეტილების არგუმენტად უმაღლესი რადა რუსეთის მიერ უკრაინის მოსახლეობის მიზანმიმართულად განადგურებას ასახელებს, რასაც გენოციდის ყველა ნიშანი გააჩნია, ისევე როგორც ენერგეტიკული უსაფრთხოების ობიექტებზე დარტყმების განხორციელებას, რითაც მშვიდობიანი მოსახლეობის ტერორიზება ხდება.