უკრაინამ რუსეთის ტყვეობიდან სამი საზღვაო ქვეითი დააბრუნა, - ინფორმაციას უკრაინული მედია სამხედრო-საზღვაო ძალებზე დაყრდნობით ავრცელებს.
„რუსეთის ტყვეობიდან უკრაინის სამხედრო-საზღვაო ძალების ცალკეული საზღვაო ბატალიონის სამი სამხედრო მოსამსახურე გაათავისუფლეს“, - აღნიშნულია ინფორმაციაში.
მათივე ცნობით, გათავისუფლებულ სამხედროებს პირველადი სამედიცინო და ფსიქოლოგიური დახმარება აღმოუჩინეს.
შეგახსენებთ, 15 ნოემბერს უკრაინის პრეზიდენტმა, ვოლოდიმირ ზელენსკიმ განაცხადა, რომ ტყვეთა გაცვლის ერთადერთი რეალური მოდელი არის ფორმულა : „ყველა ყველასათვის“.