რუსეთთან ომი გაზაფხულის ბოლოსთვის დასრულდება, - ამის შესახებ უკრაინის თავდაცვის მინისტრის მოადგილემ, გადამდგარმა გენერალ-მაიორმა ვლადიმირ გავრილოვმა Sky News-თან ინტერვიუში განაცხადა.
მისი თქმით, უკრაინულ ძალებს ყირიმში დაბრუნება დეკემბრის ბოლომდე შეუძლიათ. უკრაინის თავდაცვის მინისტრის მოადგილემ ასევე განაცხადა, რომ რუსეთის მხრიდან ბირთვული თავდასხმის შესაძლებლობა დაბალია, მაგრამ ხაზი გაუსვა, რომ ეს არ არის საფრთხე, რომელიც უკრაინის შეიარაღებულ ძალებს შეაჩერებს, ყველა ოკუპირებული ტერიტორია გაათავისუფლონ.