ატომური ენერგიის საერთაშორისო სააგენტო დღეს ზაპოროჟიეს ატომური ელექტროსადგურის მდგომარეობას შეაფასებს მას შემდეგ, რაც ტერიტორია, შაბათ-კვირას ათზე მეტჯერ დაბომბეს.

სააგენტოს ხელმძღვანელის, რაფაელ გროსის განცხადებით, აფეთქებებმა დააზიანა შენობები და აღჭურვილობა, თუმცა არცერთი მათგანი არ ყოფილა ბირთვული უსაფრთხოებისთვის „კრიტიკული“.

რაფაელ გროსიმ განაცხადა, რომ განხორციელებულ ძლიერ აფეთქებებზე პასუხისმგებელი პირები „ცეცხლს ეთამაშებიან" და დასძინა, რომ თავდასხმა დაუყოვნებლივ უნდა შეწყდეს.

შეგახსენებთ, შაბათ-კვირას ზაპოროჟიეს ატომური ელექტროსადგური რამდენჯერმე დაბომბეს. რუსები და უკრაინელები თავდასხმაში ერთმანეთს ადანაშაულებენ.