ვოლოდიმირ ზელენსკი - რუსეთმა მთელ მსოფლიოს დაუმტკიცა, რომ ტერორიზმის სპონსორია

რუსეთმა მთელ მსოფლიოს დაუმტკიცა, რომ ტერორიზმის სპონსორია, - ასეთი კომენტარი გააკეთა უკრაინის პრეზიდენტმა ვოლოდიმირ ზელენსკიმ რუსეთის მიერ უკრაინული ქალაქების დღევანდელი სარაკეტო დამომბვის შესახებ.

მისივე თქმით, ევროპარლამენტმა რუსეთი ტერორიზმის სპონსორ სახელმწიფოდ აღიარა, რისთვისაც ყველა ევროპარლამენტარს მადლობას უხდის.

„რუსეთმა მთელ მსოფლიოს დაუმტკიცა, რომ ეს ყველაფერი სიმართლეა, როდესაც ჩვენი ინფრასტრუქტურის, ენერგეტიკის, ხალხის წინააღმდეგ 67 რაკეტა გამოიყენა”, - განაცხადა ზელენსკიმ.

ქვეყნის მეთაურმა მიუსამძიმრა უკრაინელებს, ვინც დღევანდელი დაბომბვის შედეგად ახლობლები დაკარგა.

“შედეგი ტრაგიკულია - დაჭრილების დიდი რაოდენობაა, არიან გარდაცვლილები. გთხოვთ, მიიღოთ ჩემი სამძიმარი ყველამ, ვინც ნათესავები და ახლობლები დაკარგეთ. რაც შეეხება ელექტროენერგიას და წყალმომარაგებას, ყველა მუშაობს: ენერგეტიკოსები, საგანგებო სიტუაციების სამსახური, ადგილობრივი მთავრობები. ამოცანა დასახულია. ამ ყველაფერს აღვადგენთ, რადგან ჩვენ უძლეველი ხალხი ვართ. მადლობა ყველა თქვენგანს, თავს გაუფრთხილდით”, -განაცხადა ზელენსკიმ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი