უკრაინის გენერალური შტაბი - ბელარუსის ძალოვანი სტრუქტურების დაახლოებით, 10-15 ათასი წარმომადგენელი მზადაა უკრაინის წინააღმდეგ საბრძოლველად

უკრაინის შეიარაღებული ძალების გენერალური შტაბის შეფასებით, ბელარუსის ძალოვანი სტრუქტურების დაახლოებით, 10-15 ათასი წარმომადგენელი, რუსული ფულის სანაცვლოდ, უკრაინის წინააღმდეგ საბრძოლველად მზადაა.

„ბელარუსის რესპუბლიკის ძალოვანი სტრუქტურების დაახლოებით, 10-15 ათასი წარმომადგენელი მზად არის, მონაწილეობა მიიღოს რუსეთის ფედერაციის ე.წ. სპეცოპერაციაში. პირველ რიგში, მაღალი ფინანსური უზრუნველყოფის მიმზიდველობის გამო“, - განაცხადა უკრაინის შეიარაღებული ძალების გენერალური შტაბის მთავარი ოპერატიული დირექტორატის უფროსის მოადგილემ, ბრიგადის გენერალმა ალექსეი გრომოვმა.

ამასთან, მისივე თქმით, ბელარუსის შეიარაღებული ძალების მზადყოფნა დამოუკიდებელი სამხედრო ოპერაციების ჩასატარებლად შეფასებულია, როგორც დაბალი.

„მორალურ-ფსიქოლოგიური მდგომარეობა ფასდება, როგორც დაბალი იმის გამო, რომ პირადი შემადგენლობის უმრავლესობამ უარი თქვა რუსეთის ფედერაციის უკრაინის წინააღმდეგ ომში მონაწილეობაზე“, - აღნიშნა ალექსეი გრომოვმა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს