დავით მათიკაშვილი - როდესაც მიხეილ სააკაშვილთან დაკავშირებულ რიგ საქმეებზე განაჩენი დამდგარი არ არის, პრეზიდენტის მიერ შეწყალების უფლების გამოყენება მართლმსაჯულებაში ჩარევად შეიძლება შეფასდეს

პატიმრის შეწყალება პრეზიდენტის დისკრეციას კი წარმოადგენს, მაგრამ ამას შინაარსი და დასაბუთება აუცილებლად სჭირდება - როდესაც მიხეილ სააკაშვილთან დაკავშირებულ რიგ საქმეებზე მართლმსაჯულება გრძელდება და განაჩენი დამდგარი არ არის, პრეზიდენტის მიერ ასეთი დისკრეციული უფლების გამოყენება, მართლმსაჯულებაში ჩარევად შეიძლება შეფასდეს, - ამის შესახებ ჟურნალისტებთან “ქართული ოცნების“ დეპუტატმა დავით მათიკაშვილმა განაცხადა.

მისივე თქმით, 2012 წლამდე ათასობით ადამიანი სააკაშვილის რეჟიმის მსხვერპლი იყო და “ამ რეჟიმის სასტიკი და მსახრავი ხელი ათასობით ადამიანმა განიცადა“.

მათიკაშვილის აზრით, პრეზიდენტის მიერ მიხეილ სააკაშვილის შეწყალების შემთხვევაში, სავსებით შესაძლებელია, პროტესტის მონაწილეები სწორედ ეს ადამიანები გახდნენ.

„პრეზიდენტს საკუთარი დისკრეცია გააჩნია. ამასთან, არსებობს სასამართლო ხელისუფლება, რომელთანაც პრეზიდენტის უფლებამოსილება ვერანაირად ვერ იკვეთება. როცა საქმე ამა თუ იმ პატიმრის ჯანმრთელობას ეხება, რა თქმა უნდა, პირველ რიგში, მნიშვნელოვანი ექიმების დასკვნაა. პატიმრის ჯანმრთელობის მდგომარეობიდან გამომდინარე, მისი სასჯელაღსრულებიდან გაყვანა-არგაყვანის საკითხი კანონით წყდება - ასეთ გადაწყვეტილებას სასამართლო კანონზე დაყრდნობით იღებს. პრეზიდენტმა საკუთარი დისკრეციის განხორციელების თაობაზე თქვა - “არა და არასდროს“. თუკი ის ამ დისკრეციას გამოიყენებს, რანაირად იქნება რელევანტური მართლმსაჯულების კუთხით, ეს ცალკე საკითხია. შესაძლებელია აქ კითხვის ნიშანი დაისვას, რადგან არსებობს შესაბამისი კანონიერ ძალაში შესული სასამართლო გადაწყვეტილებები. ეს ადამიანი სტრასბურგის სასამართლოს მიერ სისტემური დანაშაულის ჩადენაშია მხილებული“, - განაცხადა დავით მათიკაშვილმა.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო