ხატია დეკანოიძის განცხადებით, ექიმებმა მიხეილ სააკაშვილის კლინიკიდან სასამართლოში გადაყვანის ნებართვა არ გასცეს

საქართველოს მესამე პრეზიდენტს მიხეილ სააკაშვილს მკურნალმა ექიმებმა კლინიკა „ვივამედიდან“ საქალაქო სასამართლოში მის პროცესზე დასასწრებად ეტაპირების ნება არ დართეს, - ამის შესახებ ჟურნალისტებს კლინიკიდან გამოსვლის შემდეგ „ნაციონალური მოძრაობის“ წევრმა ხატია დეკანოიძემ განუცხადა.

მისი თქმით, ექიმები სააკაშვილის გადაყვანაზე პასუხისმგებლობას ვერ იღებენ.

"პირველ რიგში მინდა ხაზი გავუსვა იმას, რომ ძალიან მძიმეა მისი მდგომარეობა წონის მხრივ. ნევროლოგიური დაკვირვების შედეგად ძალიან მძიმეა შედეგები. როცა ადმინისტრაციას და მკურნალ ექიმს ვესაუბრე, მიხეილ სააკაშვილს საავადმყოფო და ექიმები არ აძლევენ იმის უფლებას, რომ მისი ეტაპირება სასამართლო დარბაზში მოხდეს. ამბობენ, რომ პასუხისმგებლობას ვერ იღებენ, რომ საავადმყოფოდან სასამართლომდე გზაში მძიმე შედეგი არ დადგეს. ძალიან მძიმე ჯანმრთელობის მდგომარეობა აქვს. ასევე, ბადრაგი და პენიტენციური სამსახური ამბობს, რომ ამ პასუხისმგებლობას ვერ აიღებს. შესაბამისად, მიხეილ სააკაშვილის გადაყვანა სასამართლო დარბაზში ამ ეტაპზე არ მოხდება.ჩვენ შევთავაზეთ, რომ რეანიმობილით თუ არის შესაძლებელი გადაყვანა, მათ თქვეს, რომ არც რეანიმობილით და არც ბრიგადის თანდასწრებით ამ ეტაპზე მიხეილ სააკაშვილის გადაყვანა წარმოუდგენელია, იმიტომ, რომ მისი ჯანმრთელობა ვერ გაუძლებს. ჩემი წარმოდგენით და დაკვირვებით ძალიან მძიმეა მდგომარეობა, არც მგონია, რომ მან შეძლოს ჩვენების მიცემა. გარდა ამისა მჯერა, რომ მათ არ უნდათ მთელმა მსოფლიომ ნახოს მიხეილ სააკაშვილი ფიზიკურად როგორც გამოიყურება. ესეც არის ჩემი შთაბეჭდილება. რაც შეეხება მის მდგომარეობას, ნევროლოგიური დასკვნა მძიმეა. ფიზიკურად წონა გაცილებით უფრო ნაკლები აქვს, ვიდრე ათი დღის წინ, როცა მე გახლდით შიგნით და ის მოვინახულე. ხელზე ტრემორი უფრო გამოკვეთილია, ასევე, ტრემორია თვალზეც გამოკვეთილი, რომელიც არ ჰქონდა როცა მე მოვინახულე”,-განაცხადა დეკანოიძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)