რუსეთმა ცხრა თვეში 16 000-ზე მეტი სარაკეტო დარტყმა განახორციელა უკრაინაზე. ადგილობრივი მედიის ინფორმაციით, ამის შესახებ უკრაინის თავდაცვის მინისტრმა ოლექსი რეზნიკოვმა განაცხადა და აღნიშნა, რომ რუსული სამიზნეების 97% სამოქალაქო ობიექტები იყო.

კერძოდ, მისი თქმით, 12.3 ათასზე მეტი დარტყმა განხორციელდა გარეუბნებზე და დასახლებებზე, 1.9 ათასი სახლებზე, 500-ზე მეტი სამხედრო ობიექტებზე, 250-ზე მეტი - სატრანსპორტო ინფრასტრუქტურაზე და დაახლოებით, 220 - ენერგეტიკაზე.

რეზნიკოვმა ხაზგასმით აღნიშნა, რომ უკრაინას ტერორისტული სახელმწიფო ებრძვის.

„უკრაინა გაიმარჯვებს და ომის დამნაშავეებს სასამართლოს წინაშე წარადგენს", - აღნიშნა მინისტრმა.