რუსმა ოკუპანტებმა ზაპოროჟიეს სამრეწველო და ენერგეტიკული ინფრასტრუქტურის ობიექტებს რაკეტები დაუშინეს, - ინფორმაციას უკრაინული მედია ზაპოროჟიეს საქალაქო საბჭოს მდივანზე, ანატოლი კურტევზე დაყრდნობით ავრცელებს.
„ამჯერად ოკუპანტებმა თავიანთი დაწყევლილი რაკეტებით ქალაქის სამრეწველო და ენერგეტიკული ინფრასტრუქტურის ობიექტებს დაარტყეს. ცნობილია, რომ ერთ-ერთი კერძო საწარმო დაზიანდა“, - წერს კურტევი.
მისი თქმით, ამ დროისთვის ზარალისა და მსხვერპლის შესახებ სრული ინფორმაცია ზუსტდება.