ხატია დეკანოიძე - მიუხედავად სკეპტიკური განწყობისა, ვენეციის კომისიის დასკვნა საარჩევნო კოდექსში შესატანი ცვლილებების შესახებ, ძალიან მნიშვნელოვანია

ფრაქცია „ნაციონალური მოძრაობის“ თავმჯდომარის, ხატია დეკანოიძის განცხადებით, მიუხედავად სკეპტიკური განწყობისა, მისთვის ვენეციის კომისიის დასკვნა, საარჩევნო კოდექსში შესატანი ცვლილებების შესახებ, ძალიან მნიშვნელოვანია.

მისი თქმით, 12 რეკომენდაციიდან ერთ-ერთის შესასრულებლად, კარგი იქნება თუ მმართველი გუნდი კანონში ოპოზიციის შეთავაზებულ პუნქტებსაც გაითვალისწინებს.

„უნდა დაველოდოთ ვენეციის კომისიის დასკვნას. რაც არ უნდა პესიმისტურ და სკეპტიკურ რეჟიმში ვიყოთ, ჩვენთვის ძალიან მნიშვნელოვანია ვენეციის კომისიის დასკვნა. მე არაერთხელ მითქვამს, რომ მათ შორის იმ პროექტში, რომელიც „ქართულმა ოცნებამ“ წარადგინა, არის მუხლები, რომლებსაც ვეთანხმებით. ჩვენ, ასევე, წარმოვადგინეთ პროექტი, საარჩევნო კოდექსში ცვლილებების შესახებ, რომელიც მნიშვნელოვნად მიგვაჩნია. ჩვენ კანონპროექტში ძალიან ზუსტად არის აღწერილი ის პუნქტები, რომლებიც უნდა დაემატოს იმ კანონს, რომელიც უმრავლესობამ წარმოადგინა. მე ვფიქრობ, 12 რეკომენდაციიდან ერთ-ერთის შესასრულებლად ძალიან კარგი იქნება თუ ჩვენ წარმოდგენილ პუნქტებსაც გაითვალისწინებენ. ვფიქრობ, მნიშვნელოვანია, ყველას ესმოდეს, რომ საქართველოს სჭირდება თავისუფალი არჩევნები და ეს სწორედ საარჩევნო კოდექსში უნდა გაიწეროს“, - განაცხადა ხატია დეკანოიძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი