ვოლოდიმირ ზელენსკი - როდესაც ერთი ტერორისტი ყველას ცხოვრების დესტაბილიზაციას ახდენს, ტერორის შეჩერება ერთობლივი ამოცანაა

რუსეთის მიერ განხორციელებული კიდევ ერთი მასიური სარაკეტო თავდასხმა უკრაინაზე ბუდაპეშტის მემორანდუმის ხელმოწერის წლისთავზე აჩვენებს, რომ ამ ტერორისტებთან მხოლოდ რაღაცის ხელმოწერა მშვიდობას არ მოიტანს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, როდესაც ერთი ტერორისტი ყველას ცხოვრების დესტაბილიზაციას ახდენს, ტერორის შეჩერება ერთობლივი ამოცანაა.

„დღევანდელი სარაკეტო შეტევით რუსეთმა ბუდაპეშტის მემორანდუმის იუბილე აღნიშნა. ამ დოკუმენტის ბედი პასუხობს ბევრ აქტუალურ კითხვას რუსეთის შესახებ. ამ ტერორისტებთან მხოლოდ რაღაცის ხელმოწერა მშვიდობას არ მოიტანს. ისინი აუცილებლად დაარღვევენ მათთან მიღწეულ შეთანხმებას. რუსეთისთვის სხვისი უსაფრთხოების რაიმე ელემენტის დათმობა ახალ ომს ნიშნავს. მშვიდობას მხოლოდ რუსული ტერორისტული შესაძლებლობების დემონტაჟი, ჩვენი ყველა ტერიტორიის გათავისუფლება და მკვლელების პასუხისგებაში მიცემა მოუტანს. მე მჯერა, რომ ჩვენ ამას მივაღწევთ”, - აღნიშნა ზელენსკიმ.

მისი თქმით, რუსებმა, გასული დღის განმავლობაში უკრაინაში 70 რაკეტა გაუშვეს, თუმცა უკრაინელებმა მათი უმეტესობა ჩამოაგდეს.

„ყოველი ჩამოგდებული რუსული რაკეტა არის კონკრეტული მტკიცებულება იმისა, რომ ტერორის დამარცხება შესაძლებელია“, - აღნიშნა ზელენსკიმ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)